თამარ ბულია-მარშავა არის აკადემიური უნარების თერაპევტი, რომელიც 2023 წლიდან მუშაობს კარავში. მისი პროფესიული საქმიანობა ფოკუსირებულია ბავშვთა აკადემიური და კოგნიტური უნარების შეფასებასა და განვითარებაზე, ინდივიდუალური საჭიროებების იდენტიფიცირებასა და მტკიცებულებაზე დაფუძნებული ინტერვენციების დაგეგმვა-განხორციელებაზე. განსაკუთრებულ ყურადღებას უთმობს მშობლებთან ეფექტური კომუნიკაციის ჩამოყალიბებას.
თამარი პრაქტიკაში იყენებს მულტიმოდალურ ინტერვენციებსა და უნივერსალური დიზაინის პრინციპებზე დაფუძნებულ მიდგომებს, რაც უზრუნველყოფს სწავლების ადაპტაციას თითოეული ბავშვის საჭიროებების შესაბამისად.
2022 წლიდან არის საზოგადოებრივი კოლეჯის „ფანასკერტელი“ პროფესიული განათლების მასწავლებელი, სადაც მუშაობს სტუდენტთა ინდივიდუალური საგანმანათლებლო საჭიროებების იდენტიფიცირებასა და სასწავლო პროცესის ადაპტაციაზე. 2017 წლიდან აქტიურად არის ჩართული ინკლუზიური განათლების სფეროში, მათ შორის საბავშვო ბაღში სპეციალური პედაგოგის როლში, სადაც მუშაობს ბავშვთა განვითარებასა და მშობელთა მხარდაჭერაზე.
