თამარ (ტატა) ბაზღაძე არის ბავშვთა და მოზარდთა ფსიქიატრი და ევექსის ნეიროგანვითარების ცენტრის კარავის ხელმძღვანელი.

 თამარს ბავშვებთან და მოზარდებთან მუშაობის 20-წლიანი გამოცდილება აქვს. მისი კლინიკური პრაქტიკა მოიცავს როგორც დიაგნოსტიკას, ისე სხვადასხვა ნეიროგანვითარებითი და ფსიქიკური სირთულეების მართვას.

პროფესიული განვითარებისთვის თამარმა გაიარა საერთაშორისო ტრენინგ-კურსი ბავშვთა ფსიქიატრიაში ვილნიუსის უნივერსიტეტში, ასევე აქტიურად მონაწილეობს საერთაშორისო ტრენინგებსა და სემინარებში. მათ შორის აღსანიშნავია IACAPAP-ის პროგრამები, რომლებიც ჩატარდა ლონდონში, სტამბოლსა და ვილნიუსში, ასევე ECPN-ის ბავშვთა და მოზარდთა ფსიქიატრიული სკოლა ვენეციაში. საერთაშორისო გამოცდილება მას საშუალებას აძლევს თანამედროვე, მტკიცებულებებზე დაფუძნებული მიდგომები დანერგოს ყოველდღიურ პრაქტიკაში.

თამარ ბაზღაძე 8 სამეცნიერო ნაშრომის ავტორი და თანაავტორია. იგი საქართველოს ფსიქიატრთა საზოგადოების წევრია და აქტიურად არის ჩართული პროფესიულ საქმიანობაში. მონაწილეობს აუტიზმის მქონე პირთა მომსახურების მინიმალური სტანდარტების შემუშავების სამუშაო ჯგუფში და ასევე  ADHD Georgia-ს სამუშაო ჯგუფის წევრია, რაც კიდევ ერთხელ უსვამს ხაზს მის ჩართულობას სფეროს განვითარებაში.

კლინიკური საქმიანობის გარდა, იგი ფსიქიატრიის რეზიდენტურის კურსის ტრენერია და თავისი ცოდნასა და გამოცდილებას მომავალ სპეციალისტებსაც უზიარებს.